Arbeid med DKL104 eksamen

Då har vi kome oss rimeleg godt igang med arbeidet til eksamen. Arbeidet begynte relativt tidleg med arbeidet med prosjektplanen i påska. Vi bestemte fort at vi skulle lage podcast til eksamen. Det vart litt skeiv fordeling av arbeid i starten, så her hadde vi litt å jobbe med til neste del av eksamensarbeidet.

Etter å ha fått tilbakemelding på prosjektrapporten, og også etter å ha lest og tenkt litt meir på problemstillinga og arbeidet vidare med eksamen, kom vi i gruppa fram til å forrandre problemstillinga som alt var laga. Dette jobba vi med torsdag (23.april) før samlinga starta.
Etterkvart vart også arbeidet vidare med eksamenen jamt fordelt over gruppemedlemmane.

Eg og René fekk tidleg ansvar for å gå ut i skulen og intervjue skuleelevar, dette var det René som orda med gamle skulen sin. Vi stilte tideleg onsdag den 29.april for å intervjue 9.klassingar om deira nettvanar. Intervjuet gjekk ganske greitt synst eg. Vi fekk intervjua nesten heile klassa og personleg sag eg igjen med ein følelse av at vi her hadde noke vi kunne bruke i podcasten til eksamen.

Fordi det var eg og René som hadde vore ute og intervjua elevane, var det også vi som fekk ansvaret for å finredigere og sette saman intervjuet. Vi valde derfor først å skrive ned det som kom fram i intervjuet på eit dokument. Dette gjorde vi for å enkelt finne ut kva som var relevant for vårt arbeid, og også for å skape orden i arbeidet. Sjølv syns eg dette var ei god løysing, mest fordi eg då slapp å høyre opptaka opp igjen og om igjen for å finne ut kva som skulle brukast. Dette arbeidet var rimeleg tidskrevjande, men sjølv syns eg det lønte seg å gjere dette. Etter dette arbeidet begynte eg og René med utplukking av det som kunne vere med i podcasten. Når dette arbeidet var gjort, kom vi fram til at vi skulle jobbe med redigeringa komande helga(første helga i mai).

Grunna René skulle i fleire konfirmasjonar, tilbaud eg meg med å gjere det grøvste arbeidet med redigering av opptaka. Dette brukte eg store dela av laurdagen til. Her sorterte eg svara under dei ulike spørsmåla, deretter la eg alle svara inn på ei lyd fil. Eg lasta lydfilene opp i fronter slik at René lett kunne hente dei ned og jobbe vidare med dei.

På skype søndagskveld fekk vi i gruppa snakka litt om arbeidet til no og vidare arbeid framover. Det vart her bestemt at eg skulle fungere som vidare støtte siste rest av finredigeringa av intervjuet. Vidare skulle eg begynne arbeidet med å sette opp/jobbe vidare med prosjektrapporten. Eg, Linda og Mona skulle jobbe denne framover, medan René og Karete skulle jobbe med redigering og samansetting av podcasten som skal leverast til eksamen.

Planen vidare for meg no er fortsette arbeidet med pensum som eg ikkje har fått gjort heilt ferdig enda. Deretter/medan vil eg sette igang arbeidet med prosjektrapporten og fungere som støtte for René dersom behovet er der. Eg hjelper gjerne til dersom det trengs:-)

Det begynner å sjå bra ut no med prosjektrapporten! Ein god del arbeid er det enda, men ferdige skal vi verte. Plan til no er å prøve å verte ferdige med arbeidet til komande helg, slik at vi då har dei siste dagane før levering til finjusteringar av arbeidet.